Mobile Bill Hoga Sasta? DoT ke Naye Telecom Rules 2026 se Jio, Airtel aur Vi Users ko Kya Fayda Hoga ?
Kya aapka mobile bill kam hone wala hai ? 👂 Dekhiye, pichhle kuch saalon mein aapka mobile bill badha hai. 2024 mein Jio ne prices badhaye, phir Airtel ne aur uske baad Vodafone Idea ne bhi lagbhag ek jaise rates badha diye. Ye sirf coincidence nahi tha. Jab market mein sirf 3 badi companies hoti hain, to competition kam ho jata hai aur companies ek-doosre ko dekhkar prices badha deti hain. Iska nuksan consumer ko hota hai. Ab sarkar ne 23 June 2026 ko ek naya rule notify kiya hai jiska naam hai T elecommunications Authorization for Provision of Principal Telecommunication Services Rules, 2026 . Naam mushkil hai, lekin iska asar aapki jeb par pad sakta hai. Pehle India ka telecom system Indian Telegraph Act, 1885 ke hisaab se chalta tha, jo 138 saal purana tha. 2023 mein Telecommunications Act aaya aur ab 2026 mein uske naye rules laaye gaye hain. Purane system ki problem kya thi ? Agar koi nayi telecom company shuru karna chahti thi, to use alag-alag services ke liy...