Redmi Note 15 Pro & Note 15 Pro Plus Review: Price, Camera, Performance & Full Specifications

 Redmi Note 15 Pro & Note 15 Pro Plus Review: Price, Camera, Performance & Full Specifications - 

Xiaomi Redmi Note 15 Pro Plus

Xiaomi Redmi Note 15 Pro

Guys, Redmi ne Note 15 Pro aur Note 15 Pro Plus launch kar diya hai. Aur jaise hi maine  phone Dekha, ek cheez bilkul clear ho jaati hai ki Redmi ne design par kaafi focus kiya hai in phones ke andar. Specifically, Redmi Note 15 Pro Plus ka design dekho toh guys, kaafi achha lag raha hai.  Back panel mein vegan leather finish di gayi hai aur phone ka jo overall material hai wo polycarbonate ka bana hua hai. Notice karne wali baat ye hai ki jab back brown color ka diya gaya hai, to frame mein bhi thoda cream shade rakha gaya hai. Basically, color symmetry maintain kari gayi hai. Ye phone large phone category mein aata hai kyunki iska weight 209 grams hai. Aur jitni badi battery is phone mein di gayi hai, us hisaab se main bolunga ki thickness kaafi balanced rakhi hai.

Note 15 Pro aur Note 15 Pro Plus dono hi phones IP68 se leke IP69K rating support karte hain. In fact, Redmi ka claim hai ki aap in phones ko 2 meter tak drop kar sakte ho. Reference ke liye bata deta hoon – Note 15 Pro Plus mein 6500mAh battery milti hai aur thickness hai 8.47mm. Aur Redmi Note 15 Pro mein 6580mAh battery hai aur thickness thodi kam hai – 7.96mm. Overall dekha jaaye to, polycarbonate hone ke baad bhi phone ki in-hand feel premium lagti hai, specially vegan leather ki wajah se. 209 grams ke weight ke hisaab se weight distribution bhi kaafi achhi hai. Type-C port dono phones mein USB 2.0 hi milta hai. SIM tray same hai – dual SIM slot. 

Ab baat karte hain camera ki. Redmi Note 15 Pro aur Pro Plus dono hi phones mein 200MP main camera with OIS milta hai. Saath hi 8MP ultra-wide lens bhi diya gaya hai. Technically bataun to, Redmi ne pehli baar Note series mein itna bada camera sensor use kiya hai. Main sensor jo hai wo HPE sensor hai, jo ek kaafi achha camera sensor maana jaata hai. Isi wajah se jo camera samples aap dekh rahe ho, unmein detail kaafi achhi milti hai. Main camera se hi 2x aur 4x digital zoom bhi use kar sakte ho. Good lighting mein digital zoom ke baad bhi details aa jaati hain, lekin low light mein over-sharpness thodi dikh sakti hai. Ab ek interesting cheez bataata hoon. Ye dono phones best example hain ki processor image processing ko kaise change kar deta hai. Note 15 Pro aur Note 15 Pro Plus mein same camera sensor hai, lekin processors alag-alag hain. Side-by-side camera samples dekho to Note 15 Pro Plus ki processing thodi better lagti hai. Isse clear hota hai ki processor camera quality mein bhi matter karta hai.,Colors ki baat karein to photos kaafi vibrant aur saturated aati hain, jo mostly logon ko pasand aati hain.Human shots mein kabhi-kabhi Note 15 Pro Plus skin ko thoda zyada bright kar deta hai, jabki Note 15 Pro thoda reddish tone le aata hai. HDR human shots mein kaafi aggressive kaam karta hai aur kabhi-kabhi face pe blooming bhi aa sakti hai. Portrait mode dono phones mein 1x aur 2x par kaam karta hai aur edge detection kaafi achhi hai.

Front camera ki baat karein to – Note 15 Pro Plus mein 32MP selfie camera hai
aur Note 15 Pro mein 20MP selfie camera. Selfies mein common trend ye hai ki skin tone hamesha bright aati hai aur kabhi-kabhi image thodi soft ho jaati hai. Video ke case mein, dono phones 4K 60fps support nahi karte. Sirf 4K 30fps milta hai. Front camera max 1080p 60fps tak hi jaata hai. Honestly, is price mein 4K 60fps hona chahiye tha. Display ki baat karein to, Note 15 Pro Plus ki display kaafi impressive hai. Bezels kaafi thin hain aur display charo taraf se thodi curved hai, jo ek premium look deta hai. Wahin Note 15 Pro mein flat AMOLED panel milta hai. Dono phones 120Hz refresh rate aur AMOLED display ke saath aate hain. Durability ke liye Gorilla Glass Victus 2 diya gaya hai. Redmi claim karta hai 3200 nits peak brightness, aur dono phones HDR10+ aur Dolby Vision support karte hain. Netflix par HDR content dekhte time highlights aur shadows kaafi achhe se handle hote hain. Direct sunlight mein bhi display clearly visible rehti hai.

Performance ki baat karein to –
Note 15 Pro Plus mein Snapdragon 7s Gen 4 processor hai, jo heavy gaming ke liye nahi bana. Note 15 Pro mein MediaTek Dimensity 7400 Ultra milta hai, jo bhi casual gaming ke liye hi hai. Big disappointment ye hai ki dono phones mein UFS 2.2 storage aur LPDDR4X RAM milti hai. Is price segment mein UFS 3.1 aur LPDDR5X expected thi.Iska matlab ye phones casual users ke liye hain – social media, photos, aur BGMI / COD normal FPS par.

Genshin Impact test mein phone ka temperature 40°C ke around gaya aur average 45 FPS mile. Redmi ne dono phones mein large vapor chamber cooling system diya hai. Software ki baat karein to dono phones HyperOS 2 (Android 15) ke saath aate hain. Redmi ka claim hai 4 years Android + 6 years security updates. AI features jaise Circle to Search, Reflection Remover, AI Enhance kaafi achha kaam karte hain. Audio mein dual stereo speakers + Dolby support milta hai. Note 15 Pro Plus mein Surge T1S tuner diya gaya hai jo better network ke liye hai. Jio SIM ke saath testing mein network stable laga, long term dekhna interesting hoga.

Charging ki baat karein to –
Note 15 Pro Plus: 100W fast charging
Note 15 Pro: 45W charging
Box ke andar charger included hai aur dono phones 22.5W reverse wired charging bhi support karte hain.

Prices ki baat karein to –
Redmi Note 15 Pro Plus starts at ₹34,999 (8GB + 256GB)
Redmi Note 15 Pro starts at ₹26,999

Price thodi upper side lagti hai, lekin aaj kal smartphones waise hi kaafi expensive ho gaye hain. Comments mein zaroor batana ki current smartphone market aapko kaisa lag raha hai.

Thanks for Reading. Bye guys! 👋🔥

Tags - 

• redmi note 15 pro
• xiaomi redmi note 15 pro+ 5g
• xiaomi redmi note 15
• redmi note 15 pro price
• redmi
• xiaomi redmi note 15 pro 5g
• Redmi Note 15 Pro Review
• Redmi Note 15 Pro Plus Price in India
• Redmi Note 15 Pro Camera Test
• Redmi Note 15 Pro Specifications
• Redmi Note 15 Pro Plus Full Review
• Redmi Note 15 Pro vs Pro Plus
• Redmi Note 15 Pro Battery & Charging
• Redmi Note 15 Pro Display Review
• edmi Note 15 Pro Plus 200MP camera review
• Redmi Note 15 Pro gaming performance
• Redmi Note 15 Pro Plus AMOLED display review
• Redmi Note 15 Pro price in India 2026
• Redmi Note 15 Pro HyperOS features
• Redmi Note 15 Pro Plus Snapdragon 7s Gen 4 review
• Redmi Note 15 Pro Dimensity 7400 Ultra performance